這麼遠, 那麼近

歌詞

「離開書店嘅時候，我留低咗把遮， 希望拎咗佢返屋企嗰個係你啦…… 2000年零時零分， 電視直播紐約時代廣場嘅慶祝人潮， 我有無見過你？」 愈夜愈看愈美麗 但誰會來電 當我凝視我的臉 幾億人在愛戀 畫面在腦內乍現 波斯灣最南面 燈塔中 誰人在約會我 不必真正遇見 是誰在對岸 露台上對望 互傳著渴望 你熄燈我點煙 隔住塊玻璃 隔住個都市 自言自語地 共你在熱戀 在池袋碰面 在南極碰面 或其實根本 在這大樓裡面 但是每一天 當我在左轉 你便行向右 終不會遇見 「如果你識我嘅話， 我今年會收到乜嘢聖誕禮物? 呢間餐廳，呢隻水杯， 你會唔會用過?」 命運就放在桌上 地球儀正旋動 找個點 憑直覺按下去 可不可按住你 是誰在對岸 露台上對望 互傳著渴望 你熄燈我點煙 隔住塊玻璃 隔住個都市 自言自語地 共你在熱戀 在池袋碰面 在南極碰面 或其實根本 在這大樓裡面 但是每一天 當我在左轉 你便行向右 終不會遇見 「我由布魯塞爾 坐火車去阿姆斯特丹， 望住喺窗外面飛過嘅幾十個小鎮， 幾千里土地，幾千萬個人， 我懷疑我哋人生裡面 唯一可以相遇嘅機會，已經錯過咗」 喜歡的歌 差不多吧 「李泰祥嘅新唱片你買咗未」 對你會否 曾打錯號碼 「我懷疑嗰次把聲好沙嗰個就係你」 我坐這裡 你坐過嗎 「我認得你啲字跡㗎」 偶爾看著 同一片落霞 「佢由亞洲一直飄到南美洲」 是誰在對岸 露台上對望 互傳著渴望 你熄燈我點煙 隔住塊玻璃 隔住個都市 自言自語地 共你在熱戀 月台上碰面 月球上碰面 或其實根本 在這道牆背面 或是有一天 當你在左轉 我便行向右 都不會遇見 「我買咗兩本幾米嘅漫畫， 另一本將來送俾你」