Vurria

歌詞

Dint'a na stanzulélla fredda e scura, addó' na vota ce traseva 'o sole, mo stóngo io sulo, e tengo na paura ch'a poco a poco, mme cunzuma 'o core. Paura ca mme struje 'sta malatia senza vedé cchiù Napule, senza vedé cchiù a te. Vurrìa turnà addu te, pe' n'ora sola, Napule mia, pe' te sentì 'e cantà cu mille manduline. Vurrìa turnà addu te comm'a na vota, ammore mio, pe' te puté vasà, pe' mme sentì abbraccià. 'Sta freva ca nun mme lassa maje, 'sta freva nun mme fa cchiù campà. Vurrìa turnà addu te pe' n'ora sola, Napule mia. Vurrìa, vurrìa, vurrìa, ma stóngo 'ncróce. Stanotte, dint' 'o suonno, si' turnata. Mm'accarezzave, chiano, 'sta ferita. Aggio sentuto mille serenate, aggio sentuto Napule addurmuta. Po', 'mmiez'a tanta nebbia, só' caduto, senza vedé cchiù Napule, senza vedé cchiù a te. Vurrìa turnà addu te, pe' n'ora sola, Napule mia, pe' te sentì 'e cantà cu mille manduline. Vurrìa turnà addu te comm'a na vota, ammore mio, pe' te puté vasà, pe' mme sentì abbraccià. 'Sta freva ca nun mme lassa maje, 'sta freva nun mme fa cchiù campà.