Nit Für Kooche (Teil 2)

歌詞

Oh, nit für Kooche, Lück, Bliev ich Karneval he. Nä, ich verpiss mich hück Ich maach nit met dobei. Ich will fott sinn, wenn weiß wer op aufjeklärt mäht Un sing Klosprüch als Wetz jetarnt och, Wenn der letzte Verklempte mir t Du ahnbeet Un se eimohl em Johr och sprich - ming Sprooch. Ich kann echt nit drövver laache, Wenn die froore, die sons nix Ohne Schlips un Kraare maache, Ob ihr Pappnaas richtig sitz. Oh, nit für Kooche, Lück, Bliev ich Karneval he. Nä, ich verpiss mich hück Ich maach nit met dobei Die Vereinsmeier hann dann ihr Hochkonjunktur, Uniform-Fetischiste ald jraad. Mööch nit wisse, wievill noch dobei sinn vun domohls, wievill, Die jetz scheiß-liberal bess bierernst ihr Traditione Met dämm Mief vun dausend Johr konserviere un betone, Dat se klüngele, wöhr janit wohr. Wenn die Kleinigkeitskrämer als Weltmeister jonn, Klar, ihr Beistellfrau blieht schön doheim, Un em Suff sich beklaare, die däät nix verstonn Un dann fremdjonn - natürlich jeheim. Die sich versööke ze belüje, sich wießzemaache, Su jing: Frei Et schärfste ess, wenn die dann singe: Ahm Aschermittwoch ess alles vorbei. Andrerseits ess dat praktisch, dat muss ich jestonn: Jed Verhalten sortiert, wie n Kartei, Stechuhr, Weihnachte, schwazz, wenn wer stirv, Op die Tour kütt dann jed Jeföhl clean ahn de Reih. Wesst ihr wat, Lück? Ihr künnt mich. Ich benn jeck wie ich will t janze Johr. Wenn ihr wollt, leckt mich quer, Ävver schmiert üch ühr Kompensation unger üch en de Hohr.