Up and Rin Awa Geordie

歌詞

Rise up an' rin awa', Geordie Up an' rin awa', Geordie For feint a stand in Cumberland Your troops can mak ava, Geordie Your bauld militia are in qualms In ague fits an' a', Geordie And auntie Wade, wi' pick an' spade Is delving through the snaw, Geordie The Highland dogs, wi' hose an' brogues They dree nae cauld at a', Geordie Their hides a' tanned like Kendal bend An' proof to frost an' snaw, Geordie They dive like moudies in the yird Like squirrels mount a wa', Geordie An' auld Carlisle, baith tower an' pile Has got a waesome fa', Geordie Prince Charlie Stuart's ta'en the road As fast as he can ca', Geordie The drones to drive frae oot the hive An' banish foreign law, Geordie He's a'er the Mersey, horse an' foot An' braid claymores an' a', Geordie An' awsome forks, an' Highland dirks An' thae's the warst of a', Geordie Rise up an' rin awa', Geordie Up an' rin awa', Geordie For feint a stand in Cumberland Your troops can mak ava, Geordie Your bauld militia are in qualms In ague fits an' a', Geordie And auntie Wade, wi' pick an' spade Is delving through the snaw