UFO

歌詞

Uo fioi go' visto un Ufo, Ghe go' dito vien basso, vien basso E lu' cossa te ga dito? Hey hey! Che presto che fa l'omini a deventar cativi Se li vol li va sula luna ma i se ancora primitivi Na umanita' bea seria fondada sua cativeria La verita' che i crede, crea richessa e miseria. De sta gente so stufo I fa scanpar tuti, anca i Ufo De sta gente so stufo, No i ga inpara' a dir ciao ma a dir aiuto, i Ufo. El mar se un minestron de petrolio e de saon El ceo gera ble', desso el se un polveron Li fa un tormenton in meso a atomi e neutroni Se li sbaglia strucar boton no se salva piu' nissuni. De sta gente so stufo I fa scanpar tuti, anca i Ufo De sta gente so stufo, No i ga inpara' a dir ciao ma a dir aiuto, i Ufo. Altro che viver da fradei Prima de tuto vien i schei Cossa gai dentro i sarvei No ghe i magna gnanca i porsei, gnanca cuei. De sta gente so stufo I fa scanpar tuti, anca i Ufo De sta gente so stufo, No i ga inpara' a dir ciao ma a dir aiuto, i Ufo.