All the World Is Green (De janze Welt es jrön)

歌詞

De Autonome han de Hoor hück schön Beim Lachyoga em Keller Dä Kääl vun Pro Köln pack sing Panflööt us E Sushi Röllche klääv am Teller Et Trude fluch en e Lavendel Säckche Späumanes hät en Tofuwoosch jekouf Et jitt neu Pille jäje Schabernäckche Un em Käfig am Stadtrand weed jerouch Un de Kanalratte drare Helme Övverall lauwärme Tön Billiarde Drissfleeje knödele Jospel Un die janze Welt es jrön En Kinder Punk Band spillt en d'r Waldorf Schull 40dB de Wäng sin Mahagoni De Texte sin vun d'r Schulleiterin Un de Musik vun d'r Putzkraff namens Vroni Un de Kanalratte drare Helme Övverall lauwärme Tön Billiarde Drissfleeje jodele Jospel Un die janze Welt es jrön Ich han en Aap als Huusdier die laach mich d'r janzen Daach us Pinkelt vum Schrank op d'r Schrievdisch un säät Wä vun uns es he bestuß Un de Kanalratte drare Helme Övverall lauwärme Tön Billiarde Drissfleeje säusele Jospel Un die janze Welt es jrön De Strooße sin leer all sin vür d'r Jlotz Sexismus Debatt en d'r Bütt Ze meine mer wör ne Indianerjung Es esu lang cool bes ene Cowboy kütt Un de Kanalratte drare Helme Övverall lauwärme Tön Nur ming Aap flüch övver't Kuckucksnes Un die janze Welt es jrön