L'altalena

歌詞

E cascunu l'aranci E cascunu i palazzi E casca d'intra 'n puzzu 'A vita ca si fa E varchi di speranza 'U mari porta cca E si mangia e si passìa E si sciaura 'na lumìa Ccu 'stu focu d' 'a muntagna in compagnia. E quannu si fa scuru I stiddi e i gelsumini E i palmi senza ventu E i passi 'nta nuttata Si chiudi 'sta jurnata 'A stissa du dumani E 'stu tempu si nni va C'è cu parti e cu 'sta ccà E cu resta campa senza novità Fermi tutti i pupi Ccu li curazzi e spati E fermi 'nta li strati Li vecchi addummisciuti Aspittannu ancora Lu mumentu ppi parrai Di 'na fimmina ca passa e si nni va. Seggi 'nta la piazza E passi strascicati E sutta a 'stu barcuni Araziu sempri 'sta E aspetta ca 'a cassina Poi si movi appena appena Ppi sugnari e continuari l'altalena. E 'sta campana a mortu Ca sona tutti i jorna E sempri n'arricorda L'unicu appuntamentu Mari tutt'intornu 'U suli comu 'n furnu E dumani poi chissà E dumani pensa a Diu E 'a campana a mortu sona e sonerà. Santa Venerina E Santu Sebastianu Sant'Alfiu e San Cirinu E Santa Margherita Sbuffa 'sta muntagna Focu e fiammi 'nta nuttata Ccu 'sti bummi e ccu stu sciauru d'abbruciatu Poi tuttu si ferma E tuttu fermu resta E sempri fermu ha statu E fermu poi sarà E Araziu fermu aspetta Sutta a 'stu barcuni chiusu Ccu 'sta pena Continuannu l'altalena.