隣の人

歌詞

隣ぬ家ぬアーザや ウプカジフキ°ん自分達が家ぬ瓦ぬ 飛びぴたー時んばーきどぅ 我達が家んかい来たーだら まさがんち来たーだら 瓦ゆ買う銭まい直す銭まい無んにば のーばしやらばんしーふぃーるち あしてい決まりーどぅ我達がお父が 直しふぃーす° 事んどぅなす°たーだら 隣ぬ家ぬアーザや 自分達が子供等とぅ 我達とぅどぅまーつき 遊ばさっでぃしーん のーぬあらばん まーつき遊ぱさーまちどぅ うたーだら 隣ぬ家や悪ふたーば 行きゃーならんちどぅ のーがら あんじ聞かしゅうぎどーり あしてぃ決まりーどぅ あかりーぴす° 方んかい動きーぴす°ちぬばーだら 隣人 我達あ 汝達が為ん のーばしあらば 善かーが? 隣人 我達あ 汝達が為ん のーゆしーるば 善かーが? 隣ぬ家ぬ石垣や 他人う寄ざさーまちどぅ かだか積まれーどぅ座し°ゅう うるう越いでぃてぃや許さいっじゃ のーぬあらばん許さいっじゃ あすが隣家ぬアーザがどぅ 我達が屋敷地ん入し°ー来し 立ちゅうむぬう幾度が 見いたーがーら あしてぃ決まりーどぅ のーまい無っだんげーし 出でぃーぴす°だら 隣ぬ家やうぬ島一番ぬうやき 家んかい ならっでぃどぅうーぎどーり 島人皆うるう知しゅう うやき目当てぃんどぅ暮らしゅうち 知しゅうだら あすが儲きたー銭し瓦ゆ直すたー 代ち払あれす°ちぬ 事やありゃーみーん あしてぃ決まりーどぅ またどぅカジフキ°んな 助きふぃーるちどぅきぎす°だら 隣人 我達あ 汝達が為ん のーばしあらば 善うかーが? 隣人 我達あ 汝達が為ん のーゆしーるば 善うかーが? ぞーかーにゃーん行きば ぞーかーや ぞーかーにゃーん行きば ぞーかーや んなぴ ぞーかーにゃーん行きば ぞーかーや ぞーかーにゃーん行きば ぞーかーや 隣ぬ家ぬアーザや ウプカジフキ°ん自分達が家ぬ瓦ぬ 飛びぴたー時んばーきどぅ 我達が家んかい来たーだら あしてぃ今まい来しゅうだら