アカリテーノーリー

歌詞

昨夜ぬ話 彼が我達が家んかい遊ぴが 来しゅうてぃどぅや のーちぬばーがーら フガマス二人やばどぅ 口論ばしにゃーんちぬばーだら ういが来すがーかず 酒ゆ飲み フツガーんかいなりばどぅやい 汝んにゃ来すな 来すとーかまーん 汝とぅ我とぅや今どぅ アカリーにゃーん あすがどぅ 翌日 戸口 見いちか またどぅういがどぅ 来しゅうちぬばーだらや あぁ んぞうなむぬまーん 飲まだなうーちかがめ 心美ぎ人やすが 飲んちか 人ぬ話まい聞かん我強 フガマスんまりど ふたきな喧嘩 のーちあんちか かんし ぶーさ°ぶーさ° ガーガー ぷりぎなり喧嘩 ぶーさ°ぶーさ° ガーガー アカリテーノーリー 同島ん暮らしゅう アカリテーノーリー 小島ん暮らしゅう ぴょーすんな回りー来うよー うれー社交辞令がみどぅやす°だら 夕暮時 ふたきな来すちぬむのー んにゃ うまからどぅ 何がらーぬ 動きーうーちぬばーがーらまいやー 表ぬ月灯り見いみーる 島んーな照らしゅーてぃ 美ぎむぬどー 口論ぬ上からまい覆い 照りゃがりー あどぅふんきれーまい 美ぎむぬどーち あし 汝達が家からまい同んねーし 見いれーうーぱっじゅ チー 美ぎ月灯り目当ばし 一人飲ん酒まい むす°とぅ悪ふぁにゃーんさい 酔い座し°見いす°大月夜 涼す南風 小存在ぬ我達何想う ぼーちら童まい あたまんち成長いーどぅ たらきんどぅなりゅう 我達何想う アカリテーノーリー 同島ん暮らしゅう アカリテーノーリー 小島ん暮らしゅう アカリテーノーリー 同島ん暮らしゅう アカリテーノーリー 小島ん暮らしゅう うれー昨夜ぬ夢どぅあたーぎどーり あんしぎまないインガナス風ん 吹かいたーがーらのーがーら 何まいにゃーったんげーし 今日まいまたまーつき 飲みゅうてぃぬ話 あしてぃまただら いつまい変らん 同暮らす まーんち回りー来す来す 同暮らす あしてぃ行き°てー来す来す 同暮らす アカリテーノーリー 同島ん暮らしゅう アカリテーノーリー 小島ん暮らしゅう