Zwesche dä Daach

歌詞

Hey Papp, leev Mamm, mir jeht et joot Ich bütz dä Jeissbock Talismann Die Pänz he jonn op bläcke Fööss Bei 10 minus en Afghanistan Ich drare hück dä Tanneboum Vum Hubschrauber en et Zelt Un et jööv sujar en Weihnachtsjans Hät mer einer vun dä Sanis verzällt Die miehste Kamerade he han kei Jebetbooch met dobei Ävver wenn d'r Paaf em Zelt vun Nächstenliebe sprich Stonn se alle Mann en d'r Reih Wat säät dä Herrjott wohl dozo Hürt dä övverhoup noch hin Un es hä nit dä selve Jott Für die Lück he, die su anders sin? Zwesche dä Daach han se jesaat Köm ich he rus - vielleich Wenn et nit kraach zwesche dä Daach Köm ich noh Hus - vielleich Dat einzije wat he secher es Dat es dä Stöbb en jeder Ritz Ävver niemols kannsde secher sin Wä do en däm Auto sitz Ich frooch mich off: es wat mer he dunn Nit doch jet ärch donevve Määste am Eng nit kapott watte jään häs Öm ze övverlevve Zwesche dä Daach han se jesaat Köm ich he rus - vielleich Wenn et nit kraach zwesche dä Daach Köm ich noh Hus - vielleich Un dä Soldatechor us 14 Mann singk: Süsser de Jlocke nieh klinge Ich hätt em Lääve nit jedaach, Papp, Dat ich dat Leed noch ens su schön finge Un Naaks, wenn ich nit schlofe kann, Hür ich off mieh Lieblingsleed Ävver et klingk he nit su wie doheim Wenn et Trömmelche jeht Wenn et Trömmelche jeht ... Zwesche dä Daach han se jesaat Köm ich he rus - vielleich Wenn et nit kraach zwesche dä Daach Köm ich noh Hus - vielleich Hey Papp, leev Mamm, sidder noch zesamme Ich weiss, ihr zwei hat Stress Ävver ühre Stress es janix Jäje dat wat he jebacke es Pänz wollen et doch wärm han Un ich will üch beids em Ärm han Zwesche dä Daach han se jesaat Köm ich he rus - vielleich Wenn et nit kraach zwesche dä Daach Köm ich noh Hus - vielleich