Geschichte: D`r Nikolaus bei d`r Familije Quanz

歌詞

D'r Opa Willi es jestorve D'r Papp määt jetz d'r Zinter Klös Dat es nimmieh wie't fröher wor Vür allem für uns Quös Ming Schwester, et Prinzessje Dat kritt alles nohjesinn Dobei schmieß dat der Mamm ihr joode Brosch Off en d'r Katzeklo erin Un trotzdem weed se nur jebütz Dat jitt mer jedesmol ne Stich Gläuv dä Nikolaus eijentlich och an mich D'r Papa muß vill arbeide Övver et janze Johr Ich däät ihm jään zeije, wie stark ich bin Ävver hä es jo fast nie do Nur wenn ich dann ens eimol Jet Läppsches ahnjestellt hann Dann rööf hä mich en su nem Ton Dä ich ja nit ligge kann Un dann säät hä ich wör an allem schuld Un dann weed ich opjemisch Jläuv dä Nikolaus eijentlich och an mich Ävver wenn ich jroß un stark bin Kritte vu mir eine jezisch Dann jläuv dä Nikolaus endlich och an mich Et letz bei uns om Plätzje Do säät dä kleine Pit Mer wör jo doof, wemmer noch jläuv Dat et dä Nikolaus wirklich jitt Ich saach: Paß op, ich zeich dir jet Wenn de dat siehs, beste baff Un mir mahten uns in et Jebösch Un ich leet de Botz eraff Un dann säät hä ich wör an allem schuld Un dann weed ich opjemisch Jläuv dä Nikolaus eijentlich och an mich Ävver wenn ich jroß un stark bin Kritte vu mir eine jezisch Dann jläuv dä Nikolaus endlich och an mich