Wöösche met Ääpelschloot

歌詞

Die Höllepooz steht immer op Do hät noch nie einer dran jeklopp Schon janit ich, mir jing et immer joot Ich wor immer pünktlich, selde krank Ming Frau hat manch e Kleid em Schrank Jetz setz ich he am Kaufhof vür mingem Hoot Un se singe all vum Himmel Vum Chriskind, vum leeve Jott Un ich jööv ald jet für't Fäjefüür Un Wööschje met Ääpelschloot Noh 30 Johr Betrieb bankrott Et Auto un et Hüsje Fott De Bank, de Nerve, Schabau Plötzlich besde allein Ich han immer nur ming Flich jedonn All die jehass, die an de Ecke stonn Jetz ben ich selver Mitjlied en däm Verein Un se singe all vum Himmel Vum Chriskind, vum leeve Jott Un ich jööv ald jet für't Fäjefüür Un Wööschje met Ääpelschloot Die junge he sin miehstens kott Keiner Jläuv he noch an Jott Ich Saach: E janz klei Wunder däät nix schade Die nix mieh bruche, die kriejen et miehts Un ich weed vun dä Pänz jetriez Ohjo ... ich däät su jään ens widder bade Öm Weihnachte sin de Hätze weich Do fällt su manche Euro leich Danke! Ja, ich deil et mer en, d'r Winter es noch lang ... Un se singe all vum Himmel Vum Chriskind, vum leeve Jott Un ich jööv ald jet für't Fäjefüür Un Wööschje met Ääpelschloot En letzter Zick denk ich off dran Wie't domols wor bei Papp un Mamm Et joov fass alles, nur kei Widderwoot Jede Friedaach frische Fesch Un söns wor immer Fleisch om Desch Nur hillich Ovend Wööschje met Ääpelschloot